സന്തോഷം പച്ചമാങ്ങ
പോലെയത്രെ
അകക്കാമ്പിലേ അറിയൂ
ദു:ഖത്തിന്‍ പുളിരസം
ദു:ഖം നാളികേരം
പോലെയത്രെ
അകക്കാമ്പിലെ സന്തോഷത്തിന്‍
രുചിയറിയാന്‍ ആയുധം
വേണം
ഇന്നലെ വരെ
പൊതിയ്ക്കാത്ത നാളികേരവുമായി
ആയുധം തേടി നടന്നു
വിശപ്പടക്കാന്‍ കിട്ടിയതോ,
മാങ്ങയുടെ അകക്കാമ്പും
രണ്ടും ഒടുങ്ങുന്നത്
ഒരേ വികാരത്തിലെന്നിരിക്കെ
രണ്ടുമുപേക്ഷിച്ചട്ടഹസിച്ചു
എന്റെ രുചികളില്‍ ഇന്ന്
മാങ്ങയും തേങ്ങയുമില്ല
Subscribe to:
Post Comments (Atom)
7 comments:
രുചികളില്ലാത്ത യാത്ര....
ഉപമ ആസ്വദിച്ചു...
നന്നായി.
:)
നല്ല്ല ഉപമ....ജിവതത്തിനിത്ര മാത്രം ചേര്‍ന്ന ഒരുപമ പറയാനില്ല.ജീവിതത്തിന്റെ പുളി അറിയുമ്പോള്‍,പുളിരസം കൊണ്ട് മുഖം ചുളിയുന്നപോലെ,എന്തു ചെയ്യും എന്നറിയാതെ കുഴങ്ങിപ്പോകും......നല്ല ആശയം.
പച്ചമാങ്ങയും തേങ്ങയും ചേര്‍ത്ത ചമ്മന്തി അല്ലേ ജീവിതം.
-സുല്‍
ജീവിതത്തിന്റെ എല്ലാ രസവും വേണം. സ്വന്തം അദ്ധ്വാനിച്ചു നേടിയതായിരിക്കണമെന്നുമാത്രം.
കൊള്ളാം.
:)
നന്നായി.
Post a Comment