നിറയിരുട്ടില്, നീ കൊളുത്തിയ
പ്രണയച്ചെരാതിന് വെളിച്ചത്തുരുത്തിലെ
നിഴല്പേക്കോലങ്ങളില് പറയാതെപോയ
പ്രണയത്തിന്റെ മുഖങ്ങള്!
കടുത്തവേനലില്, ജീവിതച്ചാലില്
വരണ്ടുണങ്ങിയ പ്രണയമഴ
'നഷ്ടപ്രണയ'മെന്ന വാക്കുതടങ്കലില്
ഇരുണ്ടമേഘമായ് നീറിയുറഞ്ഞു.
എന്റെ പ്രണയമെഴുതാനുള്ള
അക്ഷരങ്ങളില് മഷി പുരട്ടാന്
ഭാഷയ്ക്ക് നിറമില്ലെന്ന നിന്മൊഴി
ഡയറിത്താളില് കറുപ്പായുറങ്ങുന്നു!
പ്രണയത്തിന് മരണമില്ലെന്നറിയുന്നനേരം
അറിയുന്നു മരണത്തിന് പ്രണയം!
Saturday, December 26, 2009
Subscribe to:
Posts (Atom)