Wednesday, March 18, 2009

സങ്കരം

അച്ഛനുമമ്മയും
ഋജുരേഖകളിലെ
സമാന്തരയാത്രയില്‍
നട്ട മാവിന്‍ തൈ
പൂത്തു, കായ്ച്ചു-
അഴകുള്ള ഒരു ചക്ക.

പീതവര്‍ണ്ണച്ചുളകള്‍ക്ക്
പുളിരസമായിരുന്നത്രെ.

ഋജുരേഖകള്‍
വളച്ചടുത്തുവന്ന്
അച്ഛന്‍ അമ്മയേയും,
അമ്മ തിരിച്ചും
വഴക്കുപറഞ്ഞുരസിച്ചു.

മാവിന്‍തൈയില്‍
പ്ലാവിന്‍തൈ ചേര്‍ത്ത്
ഒട്ടുമാവുണ്ടാക്കിയത്
അച്ഛനറിഞ്ഞില്ല.

നല്ലയഴകും സ്വാദുമുള്ള
മാങ്ങയെന്ന ചക്ക,
(ചക്കയെന്ന മാങ്ങയോ)
അടുത്ത തലമുറയുടെ
ജാതിക്കോളത്തില്‍ എഴുതേണ്ട
വാക്കിനെക്കുറിച്ചോര്‍ത്ത്
ആര്‍ക്കും വേണ്ടാതെ
മരച്ചോട്ടില്‍ കിടന്നുറങ്ങി.

15 comments:

തേജസ്വിനി said...

അച്ഛനുമമ്മയും
ഋജുരേഖകളിലെ
സമാന്തരയാത്രയില്‍
നട്ട മാവിന്‍ തൈ
പൂത്തു, കായ്ച്ചു-
അഴകുള്ള ഒരു ചക്ക.

പകല്‍കിനാവന്‍ | daYdreaMer said...

നല്ല അഴകും സ്വാദും ഉണ്ട് കുട്ടീ നിന്റെ വരികള്‍ക്ക്... എല്ലാ ആശംസകളും...

സമാന്തരന്‍ said...

അച്ഛനറിഞ്ഞില്ലൊന്നും..
അമ്മയും.
അഴകായതും
സ്വാദായതും
ആര്‍ക്കും വേണ്ടാതെയായതും

Bindhu Unny said...

പാവം മാങ്ങ. അതോ ചക്കയോ?
:-)

Sureshkumar Punjhayil said...

Jeevitham pakshe Mangayum Chakkayumalla Molu.. Valiyoru Pothiya thengayanu... Nannayirikkunnu. Ashamsakal.

സുല്‍ |Sul said...

മാവിന്‍തൈയില്‍
പ്ലാവിന്‍തൈ ചേര്‍ത്ത്
മ്ലാവിനെ ഉണ്ടാക്കിയത്
അച്ഛനും അമ്മയുമറിഞ്ഞില്ല.

വേടന്റെ അമ്പിനെ
തടയാനാവാതെ
നെട്ടോട്ടമോടാനാണ്
എന്റെ വിധി.

-സുല്‍

yousufpa said...

സങ്കരയിനങ്ങളുടെ മാത്രം കാലം അതിവിദൂരമല്ല.

വരവൂരാൻ said...

ഋജുരേഖകളിലെ
സമാന്തരയാത്രയില്‍

ആശംസകൾ

ശ്രീഇടമൺ said...

അകക്കാമ്പുള്ള വരികള്‍........
ആശംസകള്‍...*

Anonymous said...

:)
ആശംസകൾ

തേജസ്വിനി said...

സ്നേഹം പകര്‍ന്ന
എല്ലാവര്‍ക്കും നന്ദി..

പാവപ്പെട്ടവൻ said...

കൊള്ളാം ഇഷ്ടപ്പെട്ടു
ആശംസകള്‍

കൂട്ടുകാരന്‍ | Friend said...

തല്ക്കാലം നോട്ടീസുകള്‍ പൊതു സ്ഥലങ്ങളിലും, ചര്‍ച്ചാ വേദികളിലും, വീടുകളിലും ഈ വിധത്തില്‍ എത്തിക്കുന്നു. ആദ്യ സംരംഭം ഉള്‍ക്കൊള്ളിച്ചിട്ടുണ്ട്. ക്ലിക്കി ഓരോ അഭിപ്രായങ്ങള്‍ പറഞ്ഞു പോകുക.

Anonymous said...

Nannayi kuttee

വിജയലക്ഷ്മി said...

കൊള്ളാം മോളെ ....അതി മനോഹരമായ ആശയങ്ങള്‍ തുടിയിടുന്ന വരികള്‍ !