Sunday, July 10, 2011

മൂളിപ്പാട്ടുകള്‍ പറയാതിരിക്കുന്നത്....

മുന്നിലെ പിരിയുന്ന പാതകളില്‍
വിടപറയാതെ മറുവഴിതേടിയവന്‍
തൊണ്ടയില്‍ മരിച്ചുവീണ നിലവിളിപോല്‍
സ്മൃതികളില്‍ ജനിച്ച്, മൃതിയടയുന്നനേരം
മനതാരില്‍ ആരോ തേങ്ങുന്നു;
'നീയൊരു മൂളിപ്പാട്ടുമാത്രം!'

അറിയാത്ത വരികളുടെ
പൊരുള്‍ തേടാതെ മൂളുന്ന
പാട്ടിനെ ജനിമൃതികളുടെ
ബാന്ധവം തേടിയെത്താറില്ല!

മൂളുന്ന പാട്ടുകള്‍ക്ക്
ഈണം മാത്രം സ്വന്തം;
അര്‍ത്ഥവും അക്ഷരങ്ങളും
വികാരവുമില്ല; സ്വത്വവും!

ഇടവേളകളിലെ അര്‍ത്ഥശൂന്യ-
മൂളലില്‍ അര്‍ദ്ധമാം വരികള്‍
പൂരണം നേടുന്നു;വെങ്കിലും
ചായം തേച്ച അക്ഷരങ്ങള്‍
മങ്ങിമറയുന്നുണ്ടാവുമെന്നറിയുക!

പാടട്ടെയിനിയൊരു മേഘമല്‍ഹാര്‍
കറുത്ത പ്രണയമേഘം പെയ്തൊഴിഞ്ഞ്
വെളിച്ചത്തുരുത്തുകള്‍ പരക്കട്ടെ;
പ്രണയം മൂളിപ്പാട്ടായ് പിന്നെയും പടരുവോളം!

25 comments:

തേജസ്വിനി said...

പഴയ ഒരു കുറിപ്പില്‍ പിന്നെയും പതിരു ചേര്‍ത്തത്....

അറിയാത്ത വരികളുടെ
പൊരുള്‍ തേടാതെ മൂളുന്ന
പാട്ടിനെ ജനിമൃതികളുടെ
ബാന്ധവം തേടിയെത്താറില്ല!

ഫൈസല്‍ said...

നന്നായിട്ടുണ്ട് എനിക്ക് ഈ വരികള്‍ ഇഷ്ട്ടായി


അറിയാത്ത വരികളുടെ
പൊരുള്‍ തേടാതെ മൂളുന്ന
പാട്ടിനെ ജനിമൃതികളുടെ
ബാന്ധവം തേടിയെത്താറില്ല!

അച്ചൂസ് said...

ഹും..ഒരു പുതു ഉണ്മേഷം കാണുന്നുണ്ട് വരികളില്‍. ഒരു പക്ഷേ സാഹചര്യങ്ങളുടെ വേലിയേറ്റമാവാം അല്ലേ??? പൊതുവേ കാണാറുള്ള ആ ക്ലീഷേ അങ്ങ് ഒഴിവാക്കിയതില്‍ സന്തോഷം.

നന്നായി തേജ്.....!!!

തേജസ്വിനി said...

നന്ദി ഫൈസല്‍, അച്ചൂസ്....

S Varghese said...

മൂളുന്ന പാട്ടുകള്‍ക്ക്
ഈണം മാത്രം സ്വന്തം;
:=)

വീ കെ said...

:)

the man to walk with said...

അര്‍ദ്ധമാം വരികള്‍
പൂരണം നേടുന്നു;വെങ്കിലും
ചായം തേച്ച അക്ഷരങ്ങള്‍
മങ്ങിമറയുന്നുണ്ടാവുമെന്നറിയുക..

All the Best

Joseph John said...

കവിത നന്നായിട്ടുണ്ട് . അഭിനന്ദനങ്ങള്‍

yousufpa said...

ഇഷ്ടപ്പെട്ട വരികൾ..നന്നായിരിക്കുന്നു.

നിശാസുരഭി said...

വരികള്‍ ഇഷ്ടമായി..

മഴത്തുള്ളികള്‍ said...

കറുത്ത പ്രണയമേഘം പെയ്തൊഴിഞ്ഞ്
വെളിച്ചത്തുരുത്തുകള്‍ പരക്കട്ടെ;
പ്രണയം മൂളിപ്പാട്ടായ് പിന്നെയും പടരുവോളം!-കറുത്ത മേഘം പെയ്യിക്കുന്ന പ്രണയം ആവോളം പെയ്യുന്നുണ്ട് ഈ കവിതയില്‍...അഭിനന്ദനങ്ങള്‍..

വിജയലക്ഷ്മി said...

nalla kavitha...enikkishtaayi...

സിജി സുരേന്ദ്രന്‍ said...

കൊള്ളാം ട്ടോ തേജാ, പക്ഷേ പഴയ തീവ്രത അനുഭവിക്കാന്‍ കഴിയാത്തപോലെ.....!

Sudhi|I|സുധീ said...

Good, as usual...

( A comment after a long gap ;) )

ജെ പി വെട്ടിയാട്ടില്‍ said...

തേജസ്വിനിയുടെ കവിതകള്‍ വായിച്ചിട്ടൊരുപാട് നാളായി.
ഇപ്പോള്‍ ജോലിയൊക്കെ ആയിക്കാണും അല്ലേ? പട്ടാമ്പിയില്‍ തന്നെയല്ലേ.

Carmelian said...

smrithipuranam.blogspot.com

**നിശാസുരഭി said...

അപ്രത്യക്ഷമായോ? :)

സൗഗന്ധികം said...

ഇനിയർത്ഥശൂന്യമെങ്കിലു,മീ വാഴ്വിതിൽ-
ച്ചില നേരങ്ങളിൽ,മൂളിപ്പോകുന്നു
പാട്ടതു ഞാനുമറിയാതെ..അറിയാതെ..

നല്ല കവിത

ശുഭാശംസകൾ....

സബീന ഷാജഹാന്‍ said...

നന്നായിട്ടുണ്ട്

സലീം കുലുക്കല്ലൂര്‍ said...

നന്നായി ...

Melvin J Mani said...
This comment has been removed by the author.
Melvin J Mani said...

കവിത ഇഷ്ടമായി!!! :)
ഇതെഴുതുമ്പോൾ രാവിലെ കേട്ട പാട്ട് ഞാൻ മൂളികൊണ്ടേയിരിക്കുന്നു, എന്നെ വിട്ടുപോകാത്ത ചില ഓർമ്മകൾ പോലെ!! :)
ഇനിയും ഈ വഴി വരുമ്പോൾ കാണാം !!!

MADHUSOODHANAN PILLAI Cr said...

നീലാംബരി അതിമനോഹരം.ഓംകാരം മതിക്കെട്ടുകള്‍ വിട്ട് യാത്ര തുടരുമ്പോള്‍ ഈ കവിത മൌനം വിട്ടുണരട്ടെ.ഭാവുകങ്ങള്‍...

ഫൈസല്‍ ബാബു said...

നല്ല വരികള്‍ ,,,നീലാംബരിയില്‍ ആദ്യമായാണ് എന്ന് തോന്നുന്നു , വീണ്ടും വരാം ,

Sudhi|I|സുധീ said...

Ormankal!